Цус, цусан бүтээгдэхүүний нөөцийг нэмэгдүүлэх, оюутан залуусын дунд цусаа өгөхийн ач холбогдлыг сурталчлан таниулж, хүмүүнлэг, эх оронч үзлийг төлөвшүүлэхэд үнэтэй хувь нэмрээ оруулж буй ДУСАЛ ЦУС-ДҮҮРЭН АМЬДРАЛ аян МУБИС-иар буухиалж байна.
МУБИС нь 2012 оноос эхлэн нийт багш, ажилтан, оюутнуудынхаа хүрээнд цусаа бэлэглэх аяныг идэвхтэй зохион байгуулж ирсэн болосвролын салбарын донорын үйлсийг дэмжигч шилдэг хамт олон юм.
Өнөөдөр эхэлсэн тус аян нийт гурван өдөр үргэлжлэх бөгөөд оюутнуудаас гадна багш, ажилтнууд идэвхтэйгээр хамрагдаж байгаа талаар аяныг зохион байгуулж буй МУБИС-ийн Оюутын хөгжил, үйлчилгээний төвийн мэргэжилтэн Т.Дуламрагчаа, менежер Б.Цогзол нар өгүүлэв. Т.Дуламрагчаагийн хувьд өөрөө донор бөгөөд НИГҮҮСЭЛ медалиар шагнагдаж байсан юм.
“Нэг удаа өгсөн цус гурван хүний амийг авардаг гэж сонссон учраас өнөөдөр ирж хүмүүнлэгийн үйлсэд нэгдэж байна” гэж Монгол хэл-Уран зохиолын нэгдүгээр курсын оюутан Г.Ганцэцэг ярилаа.
Ирээдүйн багш, эрдэм мэдлэгийн эх ундарга болсон МУБИС-ийн оюутан залуустаа баярласнаа илэрхийлж, хичээл сурлагын өндөр амжилт хүсэн ерөөе.
Д.Дорж
1 сэтгэгдэл
0keyeb