АН хамтарсан Засгийн газрыг орж, улмаар АН-ын дарга Л.Гантөмөр засгийг огцруулахыг тууштай эсэргүүцэж байгаа нь Э.Бат-Үүлийн дургүйг маш их хүргэж байгаа. Тэрбээр өдөр өнжихгүй намынхаа даргад хатуухан үг дайж сууна. Өнөөдөр л гэхэд “Гантөмөр АН-ын үнэт зүйл, үзэл баримтлалын “дайсан” болсноо, хувийн хэвшлийн өмч хөрөнгө хураах “ногоон малгайтны хувьсгалын удирдагч”-аар Батзанданг томилж, гишүүн Лодойсамбууг эгүүлэн татах ажиллагааг зохион байгуулж нтр илэрхийлэхээс илүү яаж тод илэрхийлэх билээ!” хэмээн ээлжит сумаа тавилаа.
