Европын Парламент дахь Төв Ази, Монголтой харилцах бүлгийн дарга Томаш Здеховски тэргүүтэй төлөөлөгчид өнөөдөр (2023.10.31) МУИС-ийн Олон улсын харилцааны ангийн оюутнуудтай уулзаж, Монгол Улс Европын Холбоо хоорондын харилцаа хамтын ажиллагаа, Монгол Улсын Их Хурал, Европын парламент хоорондын 16 дугаар зөвлөлдөх уулзалт болон олон улсын харилцааны асуудлаар оюутнуудтай санал солилцлоо. Европын Парламент дахь Төв Ази, Монголтой харилцах бүлгийн дарга Томаш Здеховски тэргүүтэй төлөөлөгчид өнөөдөр (2023.10.31) МУИС-ийн Олон улсын харилцааны ангийн оюутнуудтай уулзаж, Монгол Улс Европын Холбоо хоорондын харилцаа хамтын ажиллагаа, Монгол Улсын Их Хурал, Европын парламент хоорондын 16 дугаар зөвлөлдөх уулзалт болон олон улсын харилцааны асуудлаар оюутнуудтай санал солилцлоо.
Мөн тэрбээр 16 дугаар зөвлөлдөх уулзалтаар талууд гадаад бодлого болон хэрэгжүүлж буй төсөл хөтөлбөрүүдийнхээ талаар мэдээлэл солилцсоныг дурдлаа. Тухайлбал, цахим бодлого, ногоон эдийн засаг, авлигатай тэмцэх төсөл, хөтөлбөрүүдийн талаар туршлагаасаа хуваалцахын зэрэгцээ талууд хэрэгжүүлж буй төслүүд болох дэд бүтэц, эрчим хүчний үнэ тарифын өсөлтийг амжилттай даван туулахад хамтын ажиллагаагаа онцгойлон чиглүүлэх зэрэг чухал асуудлуудыг хөндөж ярилцсанаа тэмдэглэж байлаа. Уулзалтын төгсгөлд оюутнууд Европын Парламент дахь Төв Ази, Монголтой харилцах бүлгийн дарга Томаш Здеховски тэргүүтэй төлөөлөгчдөөс олон улсын харилцаа, эдийн засаг, боловсрол зэрэг өргөн сэдвийн хүрээнд санал бодлоо хуваалцаж, сонирхсон асуултаа асууж, хариулт авлаа.
Европын Парламент дахь Төв Ази, Монголтой харилцах бүлгийн дарга Томаш Здеховски тэргүүтэй төлөөлөгчид оюутнуудаас ирээдүйн зорилго, хүсэл тэмүүллийнх нь талаар асуусан бөгөөд уулзалт ярилцлага ажил хэрэгч, үр дүнтэй боллоо хэмээн Улсын Их Хурлын Хэвлэл мэдээлэл, олон нийттэй харилцах газраас мэдээлэв.
