Шинэ он гараад удаагүй байгаа ч Цус сэлбэлт судлалын үндэсний төв /ЦССҮТ/ хөл хөдөлгөөн ихтэй байна. Ер нь өглөөнөөс хойш цусны донорууд тасралтгүй цуварсаар…
ҮНДЭСНИЙ ЦУСАА БЭЛЭГЛЭХ ӨДӨР өнөөдөр тохиож байгаа болохоор аргагүй биз ээ. Нэг ёсондоо доноруудын хувьд нэгэн тэмдэглэлт баярын өдөр юм. Өөрөөр хэлбэл, жил бүрийн 1 дүгээр сарын 3-ны өдрийг ЦССҮТ-өөс Үндэсний цусаа бэлэглэх өдөр болгон зарласан бөгөөд өнөөдөр 8 жилдээ амжилттай тэмдэглэн өнгөрүүллээ.
Энэхүү томоохон арга хэмжээний хүрээнд донор Б.Өлзийдэлгэр, Б.Идэрболд, Б.Батнэрэн, А.Батболд нарт ХҮНДЭТ ДОНОР цол тэмдгийг гардуулж алдаршууллаа.
Мөн 100 удаа цусаа бэлэглэсэн донор Ц.Өлзийхишиг, Д.Ган-Очир нарт МӨНГӨН ДОНОР, С.Дарамбазар, Д.Сарантуяа нарт ХҮРЭЛ ДОНОР цол хүртээв.
Мөн НИГҮҮЛСЭЛ алтан медалиар Ж.Нарантуяа, НИГҮҮЛСЭЛ мөнгөн медалиар Н.Ганзориг нарыг тус тус шагнаж урамшууллаа.
Д.Лхагва
