Хижээл насны эр эмийн санд орж ирээд нэг удаагийн улавчны үнэ асуувал эмийн санч “300 төгрөг” гэв. Нөгөө эр “За байз надад бэлэн 200 төгрөг л байдаг. Гэртээ ороод ирье дээ” гэвэл эмийн санчтай ярьж зогссон 30 орчим насны туранхайвтар, нүдэнд дулаахан бүсгүй “Та яарч яваа байх. Улавчаа аваад яв. Би 300 төгрөг өгчихье” гэв.
Нөгөө эр “Баярлалаа, дүү минь. Май энийг ав” гээд 200 төгрөгөө сарвайвал бүсгүй эелдэг инээмсэглээд “Санаа зоволтгүй ээ. Та гэр үүгээ буцаж орж цаг алдаад хэрэггүй” гэв. Хижээл эрийн нүд хормын дотор сэргэж байгаа нь харагдав. Мөнгөний их, багадаа бус хүний сэтгэлд хамгийн гол утга учир нь оршдог билээ. Тэр бүсгүйн хүнд хандах хандлага, инээмсэглэл нь хүнийг баярлуулахгүй байж чадсангүй.
Д.Лхагва
