“Сэтгэлээс богинохон хорвоо” хэмээх бэсрэг роман хэвлэгдэн гарчээ. Уг зохиолыг сэтгүүлч Дажсүрэнгийн Лхагвадорж бичсэн байна. Эх орны дайн дууссан 1945 оны дараа Монголд ажиллаж байсан Япон цэргүүдийн тухай, Монгол хүний ховор сайхан сэтгэлийн тухай өгүүлсэн уг номны мялаалга үгийг Монгол Улсын Төрийн соёрхолт, Ардын уран зохиолч Б.Догмид бичсэн байна. Тэрбээр “…Монгол хүний ховор сайхан сэтгэлийн тухай эрхэм хүмүүн та энэхүү бүтээлээс унших болно. Хувь хүний зовлон аливаа улс гүрний төрийн зовлон болж хувирдаг тухай хүн чанарын энэ номонд сэрэмжлүүлэн өгүүлсэн нь уг бүтээлийн үнэ цэнэ буюу” хэмээн онцолжээ. Уг зохиол Спортын төв ордны баруун талын Интерном дэлгүүрт худалдаалагдаж байна.
С.Болор
