Энэ сарын 13-нд цэргийн албан хаагч анги дээрээ нас барсан харамсалтай хэрэг гарсантай холбогдуулан Батлан хамгаалахын сайд Г.Сайханбаяр сэтгүүлчдэд мэдээлэл өгөх үеэрээ “Нас барсан шалтгааныг хуулийн байгууллага тов тодорхой гаргана. Камерын бичлэгт бүгд байгаа. Эцэг, эхчүүд өөрсдөө үзсэн. Одоо албан ёсны дүгнэлтийг хүлээж байна. Цэргийн албан хаагч амиа алдах гэдэг бол харамсалтай зүйл. Хэрвээ үнэхээр цэргийн алба хаагчтай холбоотой гэмт хэрэг байсан бол хариуцлага хүлээхэд бэлэн. Цэргийн албанд ямар ч яргалалт, дэглэлт байхгүй. Энэ бол гүтгэлэг. Зэвсэгт хүчин, ард түмнийг хагаруулдах санаатай зүйл явж байгаа гэж би үзэж байгаа. Зэвсэгт хүчний 326 дугаар ангид алба хааж буй цэргүүдэд эмнэлгийн үзлэг хийхэд ханиад, хатгаа, зүрхний өөрчлөлт гэсэн оноштойгоор 6 байлдагч эмнэлэгт хэвтэн эмчлүүлж байна” хэмээн тодотголоо.
