Манай ууган их сургуулийн нэг, дээд боловсролын салбарт чансаагаараа тэргүүлэгчдийн эгнээнд эрэмблэгдсэн МУБИС цусны донорын эгнээг өргөжүүлэгч-хүмүүнлэгийн үйлсийг дэмжигч байгууллагын тоонд зүй ёсоор тооцогддог билээ.
Өнөөдөр цусны донорын нийгмийн ач холбогдлыг сурталчлах, цуг цуглуулах хүмүүнлэгийн өдөрлөг МУБИС дээр боллоо. ЦССҮТ-ийн захирал, анагаах ухааны доктор, профессор Н.Эрдэнэбаяр өдөрлөгийг нээж хэлсэн үгэндээ “Цусаа бэлэглэх нь бусдын амь насыг аврах хамгийн бодитой буянт үйлс бөгөөд энэхүү сүүн мөртэй гэгээн үйл хэргийг дэмжсээр ирсэн МУБИС-ийн багш, ажилтан, оюутнуудад хамт олныхоо өмнөөс болон хувиасаа баяр хүргэе” гэлээ.
МУБИС-ийн Тамгын газрын дарга, доктор, дэд профессор Л.Мөнхтуяа сайн санааны үйлсийн төлөө ЦССҮТ-тэй хамтран ажиллаж байгаадаа баяртай байгаагаа илэрхийлээд “Цусаа өгөхөөр нэг нэгнээ уриалан дуудаж хүрэлцэн ирсэн эрхэм багш, оюутнуудаараа бахархаж байна” гэв.
Тус сургуулийн багш, ажилтан, оюутнууд өндөр ирцтэйгээр цусаа өгцгөөв.
Цусны хэрэгцээ шаардлага жил ирэх бүр өсөн нэмэгдэж байгаа ийм амаргүй үед цус, цусан бүтээгдэхүүний нөөцийг бүрдүүлэх буян үйлсэд томоохон хувь нэмэр оруулж байгаа МУБИС-ийн нийт багш, ажилтан, оюутнуудынхаа халуун сэтгэлд талархаж байгаагаа илэрхийлье. Дараа дахин уулзахдаа баяртай байх болно.
Д.Лхагва
