Өндөржүүлсэн бэлэн байдалтай холбогдуулан Эрүүл мэндийн яамнаас өглөө бүр коронавирусын нөхцөл байдлын талаар мэдээлэл хийж байгаа билээ. Өнөө өглөө хийсэн мэдээллээр Монгол Улсад Covid-19-ийн 10 дахь тохиолдол илэрснийг ХӨСҮТ-ийн захирал Д.Нямхүү мэдэгдлээ.
2020 оны гуравдугаар сарын 16-нд Берлин-Москва-Улаанбаатарын онгоцоор ирсэн 156 хүнд шинжилгээ хийхэд дөрвөн хүнээс коронавирус илэрсэн байна. Ийм эрсдэлтэй нөхцөл байдлын үед тусгаарлагдсан хүмүүс элдэв хэл ам гаргахгүй, батлагдсан дүрэм журмын дагуу сахилга хариуцлагатай байх ёстой боллоо. Харамсалтай нь гадаадаас ирье гэж ирчихээд тусгаарлагдах орчинд дураараа аашилж, албаныхны ажилд хүндрэл учруулах тохиолдол гарсаар байна.
Д.Болд
