Эрүүл мэндийн яамнаас коронавирусын халдварын нөхцөл байдлын шинэчлэгдсэн мэдээллийг гаргажээ. Одоогоор дэлхийн 13 оронд тархаад буй коронавирусаар нас барагсдын тоо нэмэгдэж 106-д хүрч, халдвар авсан хүмүүсийн тоо 31 хувиар өсч 4474 болж өсчээ.
Монгол Улсад одоогоор уг өвчний тохиолдол илрээгүй байгаа бөгөөд эрүүл мэндийн байгууллагууд өндөржүүлсэн бэлэн байдалд ажиллаж байна. Одоогоор коронавирусын халдвар Тайланд, Япон, Өмнөд Солонгос, АНУ, Вьетнам, Сингапур, Малайз, Балба, Франц, Австрали, Канад, Герман, Камбож улсад гараад байгаа билээ.
