Хүүхдийн эрхээс гадна хүмүүжлийн асуудлыг нь хөндөх цаг болсон биш үү? Багшийн хомсдол үүссэн нэгэн шалтгаан нь хүүхдийн хүмүүжилд байгаа нь тодорхой шүү дээ. Багшаа нүүрэн дээр нь доромжилдог, үг хэлэхээр өмнөөс нь бүдүүлгээр хэрэлддэг зүй бус үзэгдэл ерөнхий боловсролын сургуулийн хүрээнд газар аваад байгааг Боловсролын яам нэн яаралтай анхаарахгүй бол хожимдох аюул үүслээ. Эцэг, эхчүүд нь хүүхдээ өмөөрч сургууль, багш нарыг хүнд байдалд оруулдаг жишиг тогтох нь. Өөрсдөө төлөвшөөгүй хүмүүс үр хүүхдүүдээ хүн болгож чадах уу? Ер нь сүүлийн жилүүдэд хүүхдийн эрх л гэж дээр дооргүй ярихаас биш хүмүүжил, ёс суртахууны талаар бодлогын түвшинд ам нээхээ ч больжээ. Энэ чинь Монголын ирээдүйтэй холбоотой асуудал ш дээ!!! Зургаахан настай хүүхэд 18 орчим насны даруухан охин руу усны сав шидчихээд “Намайг загнавал 108-д хэлнэ шүү” гэж байхыг харлаа!
Д.Лхагвадорж
