Их аварга Хакүхо Даваажаргалын удирддаг “Миягино” дэвжээний Монгол бөх бусдыгаа дарамталж зодсон гэдэг асуудал үүссэн билээ. Улмаар Японы Сүмо бөхийн холбооны Удирдах Зөвлөл Миягино дэвжээг хаах, эсэх асуудлыг авч хэлэлцээд “Миягино” дэвжээг тодорхойгүй хугацаагаар хаахаар боллоо. Мөн тус дэвжээний бусад багш, арын алба болон бөхчүүд нь Исэгахама дэвжээ рүү шилжихээр болоод байна. Их аварга цаашдаа ямар ажил эрхлэх нь тодорхой бус байна.
