Хятадын удирдагчид энэ онд эдийн засгийн загвараа өөрчлөхийн зэрэгцээ технологийн инновацид анхаарлаа хандуулахын тулд амбицтай өсөлтийн хурдыг бий болгоно гэж амласан.
Гэвч Бээжин энэхүү алсын харааг хэрхэн хэрэгжүүлэх нь тодорхойгүй хэвээр байгаа бөгөөд орлогыг нэмэгдүүлж, хэрэглээг өсгөхөд томоохон түлхэц өгөх арга хэмжээг эсэргүүцэж байгаа нь хөрөнгө оруулагчдын урмыг хугалж, тэднийг өөр гарц хайхад хүргэв.
Мягмар гарагт Ерөнхий сайд Ли Цян 2024 онд эдийн засгийн өсөлтийн 5 орчим хувь дээр хадгалах зорилтыг зарласан. Тэрээр мөн аж үйлдвэрийн шинэчлэлийг нэн тэргүүний зорилт болгож, технологийн шинэчлэлд түшиглэн ажиллахаа амлав.
Үүний дараа Хонг Конгийн Hang Seng индекс 2.6 хувиар уналаа. Энэ долоо хоногт индекс ойролцоогоор 1 хувиар буурч, сүүлийн 12 сарын хугацаанд бараг 20 хувиар буурсан байна.
Хятадын Ерөнхий сайдын энэхүү мэдэгдлийн дараа Moody’s-ийн эдийн засагч Сара Тан хэлэхдээ “Дэмжлэгийн түвшин энэ онд эдийн засгаа таван хувийн өсөлтийн зорилтод хүргэхэд хэтэрхий бага байх магадлалтай” гэжээ.
Тэрээр “Хятад дахь дефляцийг зогсоохын тулд өрхийн зардлыг нэмэгдүүлэх шаардлагатай байна. Дефляци гэдэг нь бараа, үйлчилгээний үнийн түвшний тогтвортой бөгөөд өргөн хэмжээгээр буурахыг хэлнэ. Нэгдүгээр сард өргөн хэрэглээний барааны үнэ сүүлийн 15 жилд байгаагүй хурдацтай буурч, дөрөв дэх сардаа дараалан буурчээ. 2023 онд үнэ жилийн туршид ердөө 0.2%-иар өссөн байна. Бидний хайж байсан өрхийн шууд шилжүүлэг нь ямар ч боломжгүй байсан” гэж тэр нэмж хэлэв.
Бээжин сүүлийн жилүүдэд хэрэглээг идэвхжүүлж, эдийн засгаа өсгөх томоохон төслүүдийг хэрэгжүүлэхээс татгалзаж байна. Ковидийн үед ийм бодлого баримталсан нь дэлхийн бусад улс орнуудад тохиолдож буй инфляцийн өсөлтөөс зайлсхийхэд тусалсан ч цалин зогсонги байдалд орж, үл хөдлөх хөрөнгийн үнэ унаснаар өрхийн нэг удаагийн орлого буурчээ гэж CNN мэдээллээ.
