АН-аас өнөөдөр ээлжит хэвлэлийн бага хурал зарлалаа. Энэ үеэр АН-ын дэд дарга Ч.Өнөрбаяр ” Х.Нямбаатар Хууль зүйн сайдын ажлаа өгчихсөн бол саяхан огцорсон Д.Сумъяабазар дээр гомдол гаргах хэрэгтэй. “Миний өмнөх дарга хууль зөрчсөн байна, албан тушаалаа урвуулан ашигласан байна” гэж. Энэ бол зарчмын асуудал шүү дээ. Ингэж чадахгүй бол хоорондоо хуйвалдсан гэсэн үг. Хамгийн сонин нь баахан амлалт өгч УИХ-ын гишүүн, сайд болчихоод хугацаанаасаа өмнө татгалзаж байна. Өнөөдөр Үндсэн хуулиараа Х.Нямбаатарын бүрэн эрхийн хугацаа дуусах болоогүй. Үндсэн хууль дээрээ дөрвөн жил гээд заачихсан. Дөрвөн жилийн хугацаанд хийсэн ажлынхаа тайлангаа сонгогч нартаа тавих хэрэгтэй. Замаас нь зугтааж болохгүй. Ер нь Х.Нямбаатарыг хотын дарга хийгээч гэж гуйсан хэн байгаа юм. Иргэд гуйгаагүй. Та нар тангарагаа зөрчиж, хариуцлагаа ухамсарлахгүй байж яаж хот удирдах юм бэ?” гэгчлэн өгүүлэв.
