Цагдаагийн байгууллагын 102 тусгай дугаарт 2024 оны 01 дүгээр сарын 18-ны өдөр нийт 1647 дуудлага, мэдээлэл бүртгэгдсэнээс зөрчлийн шинжтэй 1301, гэмт хэргийн шинжтэй 102 дуудлага, мэдээлэл байна. Мөн гэмт хэргийн шинжтэй 62 үйлдлийг шуурхай илрүүлж, урьд өмнө бүртгэгдсэн 3 хэргийг нөхөн илрүүлжээ. Цагдаагийн өгсөн мэдээллээс харвал ганцхан өдөрт хүний биед халдах хэрэг 63 бүртгэгджээ. Хүний эрх чөлөөний эсрэг гэмт хэрэг өсөх хандлагатай байна!
Зохиогч: Admin
Өнөөдөр буюу 19-нд Дорноговийн нутгаар ахиухан хэмжээний цас орж, Өвөрхангай, Өмнөговийн зүүн, Төв аймгийн өмнөд хэсэг, Дундговь, Дорноговийн нутаг, Сүхбаатарын баруун хэсгээр цасан шуурга шуурах тул болзошгүй эрсдэлээс урьдчилан сэргийлэхийг Онцгой байдлын ерөнхий газраас анхаарууллаа. Цаг агаарын мэдээг анзаарч сонсолгүйгээр алсын замд гараад амь нас, эрүүл мэндээрээ хохирох тохиолдол цөөнгүй гарсан тулд малчид, ард иргэд, тээвэрчдэд онцгой сэрэмжтэй байхыг дахин дахин анхааруулж байна.
Монгол Улсын Ерөнхий сайд Л.Оюун-Эрдэнэ Швейцарийн Холбооны Улсын Давос хотноо болж буй Дэлхийн эдийн засгийн 54 дэх чуулга уулзалтын үеэр Их Британийн Ерөнхий сайд асан Тони Блэйртэй 2024 оны нэгдүгээр сарын 18-ны өдөр уулзлаа. Ерөнхий сайд Л.Оюун-Эрдэнэ дэлхийн нөлөө бүхий улстөрчтэй уулзаж, санал солилцож буйдаа баяртай байна гээд ноён Тони Блэйр гурван удаа Монголд зочилж, Ерөнхийлөгч, Ерөнхий сайд нартай уулзаж байсан тул Монголын талаар тодорхой мэдээлэлтэй байдагт талархал илэрхийллээ. Тэрбээр, Монгол Улс 1992 онд ардчилсан хөгжлийн замыг тууштай сонгож, ардчилсан Үндсэн хуулиа баталсан. Өнгөрсөн 30 жилийн хугацаанд үг хэлэх, хэвлэн нийтлэх, сонгох, сонгогдох, шашин шүтэх зэрэг ардчиллын суурь үнэт зүйлсийг…
Автобусанд хүн ихтэй байлаа. Нэлээд өндөр настай эмээ орж ирээд би суумаар байна хэмээн хүмүүс рүү довтолж эхлэв. Тэр хүний зөв. Ахмад настай хүн нийтийн унаанд босож явж чадахгүй. Даанч урдуур сул суудал байсангүй. Дандаа настай улс суусан байв. Нэгэн 50 гаруй насны эр “Та хойшоо явбал тэнд дандаа залуучууд суусан байна” гэвэл нөгөө эмгэн гэнэт уурлаж “Би хотод 75 жил амьдарсан. Заавал энд сууна. Надад хэн ч заахгүй” гэж хэлээд 70 шүргэж яваа насны өвгөнийг босгочихлоо. Нөгөөх нь би уг нь тариа хийлгэчихээд явж байгаа юмсан гэж учирлавал түрэмгий эмгэн огтоос тоосонгүй. Нээрэн ч адилхан настай хүнийг босгохын оронд…
Нийтлэлч Баабарыг аюулаас хамгаалахын ахмад ажилтны гомдлоор цагдаа шалгаж эхэлжээ. Учир 1932 оны лам нарын дэгдээсэн эсэргүү гэх хэргийг ардын бослого гэж нэрлэсэн учраас тэр гэнэ. Баабар энэ талаар цахим хуудсандаа “Сүхбаатар дүүргийн цагдаагаас намайг байцаах дуудлага ирлээ. Утас 80884040. Зинамэдэр гэдэг түүхч гэгч өндөр настан Улсын прокурорт гомдол гаргажээ. 1932 оны лам нарын бослогыг Ардын бослого гэж нэрлэсэн хэрэгт арга хэмжээ авч өгөөч гэжээ. Улсын Ерөнхий прокурор арга хэмжээ ав гэж цагдаа руу шилжүүлжээ. Прокурор шалгуулахаар цагдаад өгсөн гомдол дээр Батбаяр буюу Баабар 1990 оны 3-р сард болсон Социал Демократ намын их хурал дээр лам нарын бослогыг Ардын бослого…
Улсын Их Хурлын Үйлдвэржилтийн бодлогын байнгын хороо 2023 оны намрын ээлжит чуулганы хугацаанд найман удаа хуралдаж, хуулийн нэг, Байнгын хорооны тогтоолын таван төсөл дээр ажиллан, хяналт шалгалтын зургаан тайлан, яам, агентлагийн дөрвөн мэдээллийг хэлэлцэн шийдвэрлэжээ. Тодруулбал, Улсын Их Хурлын хяналт шалгалтын чиг үүргийг хэрэгжүүлэх чиглэлээр түлхүү ажилласан талаараа Байнгын хорооны дарга Г.Ганболд өнөөдөр (2024.01.18) гишүүдийн хамт сэтгүүлчдэд мэдээлэл өгөхдөө нэг бүрчлэн дурдав. Байнгын хорооны эрхлэх асуудлын хүрээнд Улсын Их Хурлын даргын захирамжаар байгуулагдсан Хөдөө аж ахуйн гаралтай бараа, түүхий эдийн биржийн тухай хуулийн шинэчилсэн найруулгын төслийг боловсруулах үүрэг бүхий Ажлын хэсэг ажиллаж байна. Ажлын хэсгийг Улсын Их Хурлын гишүүн Ж.Бат-Эрдэнэ ахалж, гишүүдээр Улсын Их Хурлын…
Эдийн засгийн хөгжлийн сайд Ч.Хүрэлбаатарын өргөн барьсан Хөрөнгө оруулалтын тухай хууль эх орончдын зэвүүцлийг хүргээд сүйд. Уг нь Х.Баттулга нарын яриад, сурталчлаад байгаа шиг газар нутгаа харийнханд өгөхөд тухайн хуулийн үзэл санаа оршоогүй гэж төсөл санаачлагч хангалттай тайлбарласан. Бусад өндөр хөгжилтэй орны жишгээр гадаадын хөрөнгө оруулалтыг татсанаар шинэ техник, технологи, шинэ мэдлэг, мэдээлэл орж ирнэ. Хамгийн гол нь ажлын байр нэмэгдэнэ. Ядуурал буурна. Улсын эдийн засаг хөгжинө. Ийм л зорилгоор уг хуулийг санаачилсан юм билээ. Даанч энэ нь МАН дотор ч маргаан өрнүүлж, Х.Баттулгын бах тавыг хангаж байна. Тухайлбал, УИХ-д МАН-аас олон удаа нэр дэвшин ялалт байгуулж байсан Б.Бат-Эрдэнэ, Х.Болорчулуун,…
Нийслэл Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах тухай хууль болон дагалдан гарсан бусад хууль тогтоомжийн хэрэгжилтийг хангахтай холбогдуулан шинээр 16 журам батлахаар тусгасан. Энэ хүрээнд шинээр боловсруулсан есөн журмын төслийг Нийслэлийн Засаг дарга бөгөөд Улаанбаатар хотын Захирагч Х.Нямбаатар өнөөдөр НИТХ-ын зөвлөлийн өргөтгөсөн хуралд танилцууллаа. Тодруулбал, Нийслэлийн нийтийн тээврийг хөгжүүлэх сан байгуулах, сангийн хөрөнгийг бүрдүүлэх, захиран зарцуулах, хяналт тавих журам батлах тухай, Нийслэлийн нутаг дэвсгэрт нийтийн хэрэгцээний авто зогсоолыг төлөвлөх, барьж байгуулах журам батлах тухай, Нийслэл хотод олгох тээврийн хэрэгслийн улсын бүртгэлийн дугаарын дээд хязгаар тогтоох тухай, Авто тээврийн болон өөрөө явагч хэрэгслийн албан татварын хэмжээг батлах…
АНУ-ын Төрийн департамент Ираны дэмжлэгтэй хути босогчдын бүлэглэлийг террорист бүлэглэлүүдийн жагсаалтад дахин оруулжээ. Энэхүү мэдэгдлийг лхагва гарагт хийсэн хэдий ч хоёрдугаар сарын 16-ны өдрийг хүртэл хүчин төгөлдөр болохгүй юм. Ийм ангилалд оруулснаар Америкийн иргэд, компаниудаас босогчдод аливаа дэмжлэг үзүүлэхийг хориглодог. Мөн тус улсын санхүүгийн байгууллагуудаас хөрөнгийг нь царцаахыг шаарддаг. Төрийн Департаментын хэвлэлийн төлөөлөгч Мэттью Миллерийн мэдэгдсэнээр, хутичууд олон улсын усан тээврийн эсрэг халдлага үйлдэж байгаа нь “далайчдыг аюул эрсдэлд оруулж”, худалдааны чөлөөт урсгал болон навигацийн эрх чөлөөг тасалдуулж байна. Сүүлийн хэдэн долоо хоногт АНУ болон түүний холбоотнууд “эдгээр халдлагын хариуцлагыг хүлээлгэх ёстой гэдгийг тодорхой мэдэгдсэн” гэж тэрбээр нэмж хэлжээ. Өнгөрсөн оны 11 дүгээр сараас хойш хутучууд Улаан тэнгис болон түүний ойр орчимд худалдааны хөлөг онгоцууд руу олон арван удаа дайрсан байна. АНУ-ын Зэвсэгт хүчин хутичуудын цаашид халдлага үйлдэх хүчийг сулруулах зорилгоор тэдний байрлалд өнгөрсөн долоо…
Нийслэлийн Засаг даргын захирамжаар 2024 оныг “Тохижилт-Бүтээн байгуулалтын жил” болгон зарлалаа. Тодруулбал, Нийслэлийн Засаг дарга бөгөөд Улаанбаатар хотын Захирагчийн 2020-2024 оны үйл ажиллагааны хөтөлбөр, Нийслэлийг 2021-2025 онд хөгжүүлэх таван жилийн үндсэн чиглэлийг хэрэгжүүлэх, төвлөрлийг сааруулах, түгжрэл, агаар, хөрсний бохирдлыг бууруулах, Улаанбаатар хотод мөрдөх стандарт, дүрэм, журмыг шинэчлэх, дэд төвүүдэд хэрэгжүүлэх бүтээн байгуулалт, дэд бүтэц, тохижилтын төсөл, хөтөлбөрт дэмжлэг үзүүлж, иргэдийн ажиллаж амьдрах таатай орчныг бүрдүүлэх зорилгоор 2024 оныг “Тохижилт-Бүтээн байгуулалтын жил” болгон зарлав. Үүний хүрээнд хэрэгжүүлж буй арга хэмжээнүүдийг Хариуцлагын гэрээ, гүйцэтгэлийн төлөвлөгөөндөө тусгаж, шинэлэг шийдэл, инновац, технологи шингээн, стандартад нийцүүлэн тохижилт, ногоон байгууламжийг нэмэгдүүлэх юм. “Тохижилт-Бүтээн байгуулалтын жил”-д хэрэгжүүлэх ажлын…