ОХУ-ын Гадаад хэргийн сайд Сергей Лавров Монгол Улсад айлчилж байна. Энэ үеэр АН-ын ахмад лидерүүдээс гадна сүүлийн үед тодорч товойх болсон Д.Монголхүү нарын “шинэ хувьсгалчид” нь жагсаал хийж “Монголыг яагаад ч Оросын суганы үс болгохгүй. С.В.Лавров тэгж бодож байгаа бол санааны гарз” хэмээцгээв.
Үүний дараа С.Эрдэнийн АН-ын Ерөнхий нарийн бичгийн дарга Ч.Өнөрбаяр сэтгүүлчдэд мэдээлэл хийх үеэрээ “Оросын Гадаад хэргийн сайд Сергей Лавров гэдэг хүн дэлхийн аль ч улсад айлчилж, ОХУ-ын бодлогыг илэрхийлдэг цонх байлаа. Гэтэл өнөөдөр Монголоос өөр хүлээж авах улсгүй болтлоо жижгэрлээ” хэмээн мэдэгдэв. Түүний энэ үг ОХУ-ын Гадаад хэргийн сайдыг бус Монгол Улсаа басамжилж, дорд үзсэн мэт ойлголтыг олон хүнд төрүүлээд байна.
Д.Бат
