Алдарт хөлбөмбөгчин Криштиану Роналдугийн эсрэг хөрөнгө оруулагчид хамтын зарга үүсгэж, криптовалютын дэлхийн хамгийн том бирж болох Binance-ийг сурталчилсных нь төлөө нэг тэрбум гаруй доллар нэхэмжилжээ. К.Роналду Binance биржээр NFT криптовалютыг сурталчилсны улмаас алдагдал хүлээсэн хэмээн хөрөнгө оруулагчид мэдэгдсэн байна. 2022 оны арваннэгдүгээр сард Binance нь К.Роналдугийн виртуал цээж баримлыг дүрсэлсэн “CR7” хэмээх NFT багц токенийг (блокчейн технологи ашиглан бүтээсэн дижитал урлагийн бүтээл) арилжаалж эхэлжээ. Хөлбөмбөгчин сурталчилгааны явцад токен худалдан авагчдад хандан “олон жилийн турш дэмжиж ирсэн шүтэн бишрэгчдэдээ баярлалаа. “CR7” нь NFT-ийн ертөнцийг өөрчилж, хөл бөмбөгийг шинэ түвшинд гаргана” гэж амлаж байв. Гэтэл 2022 оны арваннэгдүгээр сард хамгийн хямддаа 77 доллароор зарагдаж байсан К.Роналдугийн токен жилийн дараа 1 доллароор үнэлэгдэж байна. АНУ-ын мөнгө угаахтай тэмцэх хуулийг зөрчсөн хэрэгт Binance-ийн гүйцэтгэх захирал Чанпэн Жао буруутай гэдгээ хүлээн зөвшөөрч огцорсны дараахан хөрөнгө оруулагчиид К.Роналдугийн эсрэг хамтын зарга үүсгэлээ. Мөн тус компани АНУ-ын эрх баригчдад…
Зохиогч: Admin
Засгийн газрын хуралдаанаар: Гадаадын хөрөнгө оруулалттай аж ахуйн нэгж, иргэдээс ирүүлсэн гомдлыг шийдвэрлэх талаар зарим арга хэмжээг авч хэрэгжүүлэхээр холбогдох албан тушаалтанд даалгалаа. Шүүхийн шийдвэр гүйцэтгэлийн ажиллагааг удаашруулах, шүүхийн шийдвэр шуурхай биелүүлэхгүй байгаа байдлыг таслан зогсоох чиглэлээр Шүүхийн шийдвэр гүйцэтгэх тухай хуулийн хэрэгжилтэд үнэлгээ хийх, мөрдөн шалгах ажиллагаа явуулах болон хяналт тавих эрх бүхий этгээд нотлох баримт, үндэслэлгүйгээр иргэнийг хорьж, мөрдөж байгаа явдлыг зогсоох зорилгоор Эрүүгийн хянан шийдвэрлэх тухай хуулийн хэрэгжилтийн үр дагаварт үнэлгээ хийж, ирэх сард багтаан тус тус танилцуулахыг Хууль зүй, дотоод хэргийн сайд Б.Энхбаярт даалгалаа. Монгол Улсын гадаадын шууд хөрөнгө оруулалтын 72 хувь нь геологи, уул уурхай,…
Хууль зүй, дотоод хэргийн сайд Б.Энхбаяр сэтгүүлчдэд мэдээлэл хийх үеэрээ “Гадаад улсын хөрөнгө оруулалттай компанийн хөрөнгийг манай харьяа бүртгэлийн байгууллага хуурамч мэдээлэлд засвар оруулсан байдлаар дээрэмдэж авсан гэх гомдол ирсэн. Энэ асуудлыг Хууль зүй, дотоод хэргийн яамнаас Ажлын хэсэг томилон шалгаж байгаа. Энэ яриад байгаа дээрэмдэх ажиллагаанд хууль хяналтын байгууллагынхан оролцсон гэх гомдол, мэдээлэл дотор нь бий. Юутай ч урьдчилсан байдлаар яалт ч үгүй хүний хөрөнгийг дээрэмдсэн нөхцөл байдал тогтоогдсон учраас шалгахаас өөр арга байхгүй” хэмээн мэдэгдлээ. Б.Энхбаяр сайдын мэдэгдлээс харвал хууль хяналтынхан гаднын хөрөнгө оруулагчдыг дээрэмдсэн хэрэг илэрч байгаа аж. Д.Дорж
Засгийн газрын ээлжит хуралдаан 2023 оны арваннэгдүгээр сарын 29-нд болж дараах асуудлуудыг хэлэлцэн шийдвэрлэлээ. “Эрдэнэс Тавантолгой” ХК-ийн үйл ажиллагааг Засгийн газрын хяналтад авч, зургаан сарын хугацаагаар дахин онцгой дэглэм тогтоолоо “Эрдэнэс Тавантолгой” ХК-д тогтоосон онцгой дэглэмийн хугацаанд хэрэгжүүлсэн үйл ажиллагааг дахин үргэлжлүүлэн компанийн үйл ажиллагааг жигдрүүлж, цаашид хэвийн, тогтвортой ажиллах нөхцөл, боломжийг бүрдүүлэх, нүүрсийг биржээр дамжуулан худалдах үйл ажиллагааг тогтворжуулан улс орны эдийн засгийг эрчимжүүлэх болон компанийн удирдлагыг мэргэшсэн, чадварлаг мэргэжилтнүүдээс бүрдүүлж, засаглалыг сайжруулах, үр ашиг, өгөөжийг нэмэгдүүлэх, нөхцөл бололцоог хангуулах шаардлагыг харгалзан “Эрдэнэс Тавантолгой” ХК-ийн үйл ажиллагааг Засгийн газрын хяналтад авч, зургаан сарын хугацаагаар онцгой дэглэм тогтоолоо. Онцгой дэглэмийн…
Улаанбаатарт цас ихээр орсны улмаас хальтиргаа гулгаа үүсч, эсрдэлтэй нөхцөл байдал бий болчихлоо. Гэмтлийн эмнэлэг хальтирч унаснаас гэмтэж бэртсэн хүнээр дүүрчээ. Энэ бол цасаа цэвэрлэхгүй байгаагийн үр дагавар юм. Э.Бат-Үүл хотын дарга байхдаа бүх байгууллагуудад 50 метр доторх цасаа цэвэрлэхгүй бол торгох шаардлага хүргүүлж байлаа. Энэ нь үр дүнгээ өгсөн. Гэтэл ТҮК-ын хэдэн ажилтнууд л гудамжны цас мөстэй ноцолдоод байхаас бус тухайн байгууллага, иргэн анхаарал тавьж байгаа юм алга. ТҮК-ын ажилтнуудад бүхнийг даатгана гэвэл их хотын цасыг цэвэрлэхэд хүн, хүчний хувьд хүрэлцэхгүй шүү дээ. Орон сууцны оршин суугчид ч гэсэн СӨХ-ныхоо ажилд тусалж өөрсдийнхөө төлөө, үр хүүхдийнхээ төлөө орчин тойрны…
Монгол Улсын Ерөнхийлөгч Ухнаагийн Хүрэлсүх Арабын Нэгдсэн Эмират Улсад зохион байгуулагдаж буй Уур амьсгалын өөрчлөлтийн тухай НҮБ-ын суурь конвенцын Талуудын 28 дугаар бага хуралд оролцох үеэрээ 2023 оны 11 дүгээр сарын 28-ны өдөр тус улсын Ерөнхийлөгч Эрхэм дээд Шейх Мухаммад бин Заид Аль-Нахъян-тай уулзав. Уулзалтаар талууд Монгол Улс, Арабын Нэгдсэн Эмират Улсын харилцааг өргөн хүрээтэй салбарт өргөжүүлэн хөгжүүлэх асуудлаар санал солилцов. Монгол Улсын Ерөнхийлөгч Ухнаагийн Хүрэлсүх удахгүй тохиох Арабын Нэгдсэн Эмират Улс байгуулагдсаны 52 жилийн ойн мэндийг дэвшүүллээ. Уур амьсгалын өөрчлөлт, цөлжилт, хүнсний аюулгүй байдал зэрэг дэлхий дахинд тулгарч буй сорилтыг даван туулахад олон улсын хамтын нийгэмлэг төдийгүй улс бүр…
Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч О.Номинчимэг өнөөдөр НҮБ-ын Хөгжлийн хөтөлбөрийн Монгол дахь Суурин төлөөлөгч Матилда Димовскаг хүлээн авч уулзан, НЗДТГ, НҮБХХ хооронд Хамтын ажиллагааны санамж бичиг байгууллаа. Санамж бичгийн хүрээнд талууд агаарын бохирдлыг бууруулах, сэргээгдэх эрчим хүчний хэрэглээг нэмэгдүүлэх, уур амьсгалын өөрчлөлтөд иргэдийн дасан зохицох чадварыг сайжруулах, жендерийн тэгш байдлыг хангах зэрэг чиглэлд хамтарсан шийдэл боловсруулж, төсөл хөтөлбөр хэрэгжүүлэх юм. Тэр дундаа өрх толгойлсон эмэгтэйчүүдийг дэмжих, Улаанбаатар хотын гэр хороолол дахь айл өрхүүдэд сэргээгдэх эрчим хүчинд түшиглэсэн халаалтын шийдлийг хэрэгжүүлэх, нүүрстөрөгчийн зах зээлийн үндэсний тогтолцоо, зохицуулалтыг боловсруулах замаар байгаль орчинд ээлтэй…
Эх Хүүхдийн Эрүүл Мэндийн Үндэсний төвийн эмч, мэргэжилтнүүд хүүхэд-нярайн мэс заслын тусламж, үйлчилгээнд хоёр шинэ эмчилгээ, технологийн аргыг амжилттай нэвтрүүллээ. Үүнд төрөлхийн цөсний ерөнхий сувгийн эмгэгтэй хүүхэд болон төрөлхийн улаан хоолой битүү эмгэгтэй нярайд дурангийн аргаар мэс засал анх удаа хийж мэс засал амжилттай боллоо. Мэс заслыг ЭХЭМҮТ-ийн Хүүхдийн эмнэлгийн Ерөнхий мэс заслын тасаг, Цээжний мэс заслын тасгийн эмч, мэргэжилтнүүд хийсэн бөгөөд цаашид тус эмнэлэг нь эмчилгээний шинэ арга, технологийг нэвтрүүлэх зорилт тавин ажиллаж байна.
Европын Холбооноос (ЕХ) Украинд үзүүлэх 50 тэрбум долларын тусламжийг зогсоож, Киевийг ЕХ-нд элсүүлэх саналд хориг тавина гэж Унгар улс сүрдүүлжээ. Ингэснээр Брюссель, Будапештын хооронд үүссэн маргааныг улам хурцатгалаа. Украиныг ЕХ-нд элсүүлэх асуудлаар албан ёсны яриа хэлэлцээ эхлүүлэх шийдвэрийг гаргахын тулд ЕХ-ны гишүүн улсуудын төрийн тэргүүн нар 12 дугаар сарын 14-15-нд дээд хэмжээний уулзалт хийхээр товлоод байгаа юм. Энэ уулзалтын өмнө маргааныг намжаахын тулд ЕХ-ны Зөвлөлийн тэргүүн Чарльз Мишель Ерөнхий сайд Виктор Орбантай уулзахаар даваа гарагт Унгарт айлчилжээ. Гэвч уулзалтын дараа Ч.Мишель, В.Орбан нар хэвлэлийнхэнд хандаж мэдээлэл хийсэнгүй. Унгар улс ЕХ-той сөргөлдөөд удаж байна. Ирэх зургаадугаар сард болох Европын парламентын сонгуулийн сурталчилгаа эхэлж байгаатай холбогдуулан ЕХ-ноос Украинд үзүүлэх цэрэг, эдийн засгийн тусламжийн талаарх маргаан улам ширүүсчээ. ЕХ-ны эсрэг сурталчилгаа Ерөнхий сайд В.Орбаны “Fidesz” нам энэ сард Европын Комиссын тэргүүн Урсула фон дер Ляйен рүү чиглэсэн сурталчилгаа хийж, түүнийг унгар гаралтай…
Улсын Их Хурлын Хууль зүйн байнгын хорооны өнөөдрийн (2023.11.28) хуралдаанаар хоёр асуудал хэлэлцэн шийдвэрлэлээ. Эхлээд “Хүүхдийн эрхийг хамгаалах, хангахтай холбоотой асуудлаарх Ерөнхий хяналтын сонсголын тайлантай холбогдуулан авах зарим арга хэмжээний тухай” Улсын Их Хурлын тогтоолын төслийг хэлэлцэв. Улсын Их Хурлын тогтоолын төсөлд хүүхдийн эрхийг хангах, хамгаалах хууль, эрх зүйн орчныг боловсронгуй болгох, холбогдох хууль, тогтоомжид нэмэлт, өөрчлөлт оруулах, хүүхдийн эрхийг хангах, хамгаалах үндэсний тогтолцоо бүрдүүлэх, салбар бүрийн үүрэг, оролцоог тодорхойлох, хүүхэд хамгааллын үйлчилгээний чанар, хүртээмжийг сайжруулах, боловсон хүчний нөөц, чадавхыг бэхжүүлэх чиглэлээр хэд хэдэн арга хэмжээ авч хэрэгжүүлэхийг Засгийн газар, Хүний эрхийн Үндэсний Комисст даалгахаар тусгажээ. Хууль, эрх зүйн орчинг бэхжүүлэх хүрээнд…