Ерөнхий сайд асан Ч.Сайханбилэг, С.Баяр нар хорихоос өөр төрлийн арга хэмжээ авах хүсэлтийг шүүхэд хүргүүлээд байсныг өнөөдөр Чингэлтэй, Сүхбаатар дүүргийн Эрүүгийн хэргийн шүүх хэлэлцлээ. Улмаар экс Ерөнхий сайдуудыг батлан даалтад гаргах шаардлагагүй гэдэг шийдвэр гаргажээ.
Өмнө нь буюу энэ сарын 10-нд шүүх С.Баяр, Ч.Сайханбилэг нарын таслан сэргийлэх арга хэмжээг өөрчилж, гадуур байцаах шийдвэр гаргасан ч прокурорын эсэргүүцэлтэй тулгарснаар асуудал өөрөөр эргэж тэднийг үргэлжүүлэн хорихоор болсон билээ. Энэ удаад ч шүүх тэдний хүсэлтийг хүлээж авсангүй.
