Ерөнхийлөгч Х.Баттулга МАН-ыг тараах тухай саналыг Дээд шүүхэд гаргасан билээ. Энэ асуудалтай холбогдуулж МАН-ын Удирдах зөвлөл мэдэгдэл гаргалаа. Уг мэдэгдлээ сэтгүүлчдэд танилцуулсан юм. МАН-ын Ерөнхий нарийн бичгийн дарга Д.Амарбаясгалан хэлсэн үгэндээ “Ерөнхийлөгч Х.Баттулга Үндсэн хуулийг зөрчиж, улс орон, ард түмний язгуур эрх ашиг, ардчилал, төрт ёсонд харшлах ноцтой үйлдэл гаргалаа. Ерөнхийлөгчийн өнөөдрийн захирамж нь Үндсэн хууль, Үндэсний аюулгүй байдлын үзэл баримтлал, Ерөнхийлөгчийн тухай, Улс төрийн намын тухай, Эрүүгийн хууль зэрэг арав гаруй хууль, тогтоомжийг зөрчиж байна’ гэж мэдэгдлээ.
