Нүүрсний хэргийн сонсголд Ц.Элбэгдорж, Д.Дорлигжав, Д.Бат-Эрдэнэ нарыг гэрчээр дууджээ

Хянан шалгах түр хороо нотлох баримтыг шинжлэн судлах нээлттэй сонсголыг хоёр үе шаттайгаар зохион байгуулахаар шийдвэрлэж, холбогдох тогтоолыг баталсан бөгөөд Улсын Их Хурлын гишүүн Б.Энхбаяр, Ж.Бат-Эрдэнэ, Г.Ганболд, Б.Жаргалмаа нар өнөөдөр (2023.11.27) хэвлэлийн бага хурал хийж, мэдээлэл хийлээ.

“Төрийн болон орон нутгийн өмчит, өмчийн оролцоотой зарим компаниудын нүүрс олборлолт, борлуулалт, тээвэрлэлт, экспортын үйл ажиллагаа болон бусад бараа, ажил, үйлчилгээ худалдан авалтын үйл ажиллагаанд хяналт шалгалт хийх, нотлох баримтыг шинжлэн судлах нээлттэй сонсгол зохион байгуулах, иргэд, олон нийтийг мэдээллээр хангах, хяналт шалгалтын тайланг Улсын Их Хурлын 2023 оны намрын ээлжит чуулганы хугацаанд багтаан танилцуулах” үүрэг бүхий Хянан шалгах түр хороог Улсын Их Хурлын 2023 оны 63 дугаар тогтоолоор байгуулсан. Тус хянан шалгах түр хороо өнөөдрийн хуралдаанаараа “Хянан шалгах түр хорооны сонсголыг товлон зарлах тухай”, “Сонсголд гэрчээр дуудах тухай”, “Нотлох баримтыг шинжлэн судлах дараалал тогтоох тухай”, ““Нотлох баримтыг гаргуулах тухай” 2023 оны 11 сарын 22-ны өдрийн 17 дугаар тогтоолд нэмэлт оруулах тухай” Хянан шалгах түр хорооны тогтоолуудыг баталсан болохыг Улсын Их Хурлын гишүүн, Хянан шалгах түр хорооны дарга Б.Энхбаяр мэдээллээ.

Нотлох баримтыг шинжлэн судлах нээлттэй сонсголыг хоёр үе шаттайгаар зохион байгуулахаар шийдвэрлэсэн байна. Эхний үе шат 2023 оны арван хоёрдугаар сарын 04-08-ны өдрүүдэд дараах дөрвөн асуудлын хүрээнд болно. Тодруулбал, “Тавантолгой” ХК-ийн нүүрс олборлолт, борлуулалт, тээвэрлэлт, экспортын үйл ажиллагаа болон бусад бараа, ажил, үйлчилгээ, худалдан авалтын үйл ажиллагаа; “Тавантолгой” ХК-д эрх бүхий байгууллагаас хийсэн хяналт, шалгалтууд, тэдгээрийн үр дүнгийн дагуу авсан арга хэмжээ; “Эрдэнэс Тавантолгой” ХК-ийн үүсгэн байгуулагдсан цагаас хойших үйл ажиллагаа, санхүүгийн мэдээлэл, ерөнхий мэдээлэл; “Эрдэнэс Тавантолгой” ХК-ийн бараа, ажил, үйлчилгээ, худалдан авалтын үйл ажиллагаа; 2011-2023 оны 10 дугаар сар хүртэлх хугацаанд гэрээт олборлогч компаниуд болон бусад бараа, ажил, үйлчилгээ, худалдан авалтын үйл ажиллагааны талаарх нотлох баримтуудыг шинжлэн судалж, сонсголын эхний шатанд танилцана хэмээн Хянан шалгах түр хорооны дарга Б.Энхбаяр мэдээлэв.

Нотлох баримтыг шинжлэн судлах нээлттэй сонсголын хоёр дахь үе шат 2023 оны арван хоёрдугаар сарын 18-22-ны өдрүүдэд болох юм байна. Энэ удаа “Эрдэнэс Тавантолгой” ХК-ийн нийт борлуулалт, экспортын үйл ажиллагаа; “Эрдэнэс Тавантолгой” ХК-ийн тээвэрлэлтийн үйл ажиллагаа; “Эрдэнэс Тавантолгой” ХК-ийн охин болон хараат компаниудад оруулсан хөрөнгө оруулалт, тэдгээрийн хэрэгжилт; “Эрдэнэс Тавантолгой” ХК-ийн санхүүжүүлсэн бусад төслүүд; “Эрдэнэс Тавантолгой” ХК-д эрх бүхий байгууллагаас хийсэн хяналт, шалгалтууд, тэдгээрийн үр дүнгийн дагуу авсан арга хэмжээ; Хяналт, шалгалтаар илэрсэн бусад асуудал зэрэг 6 асуудлын хүрээнд нотлох баримтуудыг шинжлэн судалж, нээлттэй сонсгол үргэлжлэх юм байна.

Хэвлэлийн бага хурлын үеэр Б.Энхбаяр дарга тус Хянан шалгах түр хорооны үйл ажиллагаатай холбоотой ерөнхий мэдээллийг танилцуулав. Улсын Их Хурлын гишүүн Б.Энхбаяр 2023 оны аравдугаар сарын 10-ны өдөр тус Хянан шалгах түр хорооны даргаар сонгогдсон юм. Тухайн үед 5 хянан шалгагч ажиллаж байсан бөгөөд Хянан шалгах түр хороог Б.Энхбаяр гишүүн даргалах болсноос хойш 3 хянан шалгагч хүсэлтээрээ чөлөөлөгдсөн байна. 2023 оны аравдугаар сарын 10-ны өдрөөс хойш “Төрийн болон орон нутгийн өмчит, өмчийн оролцоотой зарим компаниудын нүүрс олборлолт, борлуулалт, тээвэрлэлт, экспортын үйл ажиллагаа болон бусад бараа, ажил, үйлчилгээ худалдан авалтын үйл ажиллагаанд хяналт шалгалт хийх, нотлох баримтыг шинжлэн судлах нээлттэй сонсгол зохион байгуулах, иргэд, олон нийтийг мэдээллээр хангах, хяналт шалгалтын тайланг Улсын Их Хурлын 2023 оны намрын ээлжит чуулганы хугацаанд багтаан танилцуулах” үүрэг бүхий Хянан шалгах түр хороо 15 хянан шалгах шинжээчийг томилсон бөгөөд нэг сар гаруй хугацаанд 17 хянан шалгах шинжээчийн бүрэлдэхүүнтэйгээр ажиллаж байгаа аж.

Энэ хугацаанд нотлох баримт нэмж цуглуулахаар төрийн 30 байгууллага, төрийн өмчит 5 компани, 2 аж ахуй нэгж, нийт 37 байгууллагад нотлох баримт гаргуулахаар албан бичиг хүргүүлсэн байна. Түүнчлэн хяналт шалгалтын ажлыг эрчимжүүлэх үүднээс 3 шалгалтын ажлыг хийжээ.

Хяналт шалгалт хийгдэж буй нотлох баримтын цар хүрээний хувьд “Эрдэнэс Тавантолгой” ХК-ийн үүсгэн байгуулснаас хойших үйл ажиллагаа болон санхүүгийн мэдээлэл; “Тавантолгой” ХК дээр байгаа үйл ажиллагаа болон санхүүгийн мэдээллийг авч шинжлэн судалж байгаа юм байна. Мөн Гаалийн ерөнхий газраас ирүүлсэн 1.5 сая гаруй мэдүүлгийн дэлгэрэнгүй жагсаалт, пүүний программын 270 мянга гаруй бүртгэл, 630 гаруй нүүрс худалдах, худалдан авах гэрээ, 110 гаруй олборлолтын гэрээ болон тус компанийн сүүлийн 10 гаруй жилийн уулын ажлын тайлан, санхүүгийн программын датаг шинжлэн судалж байгаа аж. Гашуун сухайт дахь Гаалийн ерөнхий газраас Цагаанхадад байрлах 36 хяналтын бүсүүдээс давхардсан тоогоор 2.5 сая гаруй нэвтэрсэн  тээврийн хэрэгслийн бичлэг; “Эрдэнэс Тавантолгой” ХК-нд 2023 оны аравдугаар сарын 31-ний өдрийг хүртэл хугацааны байдлаар нүүрс худалдах, худалдан авах 698 гэрээг (20.0 мянган хуудас бүхий) хянаж, борлуулалтын тайлангуудыг нягталж, “Эрдэнэс Тавантолгой” ХК-ийн арилжааны банканд бүртгэлтэй 75 ширхэг дансны 10 мянга орчим хуудас бүхий гүйлгээг данс хөөх аргаар шалгаж байгаа болохыг Хянан шалгах түр хорооны дарга Б.Энхбаяр хэвлэлийн бага хурлын үеэр мэдээллээ. Нотлох баримтыг шинжлэх судлах хүрээнд “Эрдэнэс Тавантолгой” ХК-ийн бараа, ажил, үйлчилгээ худалдан авалтын үйл ажиллагаатай холбоотой нийт 943 гэрээ, тэдгээртэй холбогдох 188 мянга гаруй материалтай нэгбүрчлэн танилцаж байгаа аж. Нийт давхардсан тоогоор 20272 хуулийн этгээд дээр бүртгэлтэй үүсгэн байгуулагч, эцсийн өмчлөгч, хувьцаа эзэмшигч, гүйцэтгэх удирдлагаар ажиллаж байсан болон ажиллаж байгаа 217.629 иргэн, аж ахуй нэгжийн мэдээллийг УБЕГ-аас гаргуулан авч, холбоо хамаарлыг тогтоох дүн шинжилгээг мөн хийж байгаа юм байна.

Дээрх цар хүрээнд хийж буй хяналт шалгалтын явцад үүсэж байгаа хүндрэлийн талаар Б.Энхбаяр дарга танилцуулав. Нэн тэргүүнд, Өмнөговь аймгийн Даланзадгад сумын ИТХ, ЗДТГ, Цогтцэций сумын ИТХ, ЗДТГ, Хандогд сумын ЗДТГ албан бичигт тусгасан огнооны дагуу холбогдох ажиллаж байсан хүмүүсийн материалуудыг ирүүлээгүй байгаа аж. Хоёрдугаарт, Автотээврийн үндэсний төв олон улсын тээврийн “C” зөвшөөрөлтэй аж ахуй нэгжүүдийн бүртгэл, олгосон зөвшөөрлийн тоо, холбогдох шалгалтын ажлуудын тайлан зэрэг баримт, мэдээллийг Улсын Их Хурлын Хянан шалгах түр хороонд ирүүлээгүй, энэ нь нотлох баримтыг шинжлэн судлах үйл ажиллагаанд хүндрэл учруулж байгааг тэрбээр тэмдэглэв. Гуравдугаарт, хяналт шалгагч, шинжээч нар нотлох баримт бүрдүүлэх, холбогдох албан тушаалтнуудаас тайлбар, тодруулга авах, тэмдэглэл үйлдэх зорилгоор “Эрдэнэс Тавантолгой” ХК, “Тавантолгой” ХК-д таван өдөр томилолтоор ажилласан боловч анхан шатны нотлох баримтууд иж бүрэн бус, архив болон цахим системд хадгалаагүй, ажлын хариуцлага сулаас баримт материалаа хүлээлцээгүй, холбогдох байгууллагуудаас шаардлагатай баримт материалыг шаардсан хугацаанд ирүүлэхгүй байгаа зэргээс үүдсэн хүндрэл үүсээд байгаа аж. Түүнчлэн хяналт хийх явцад тодорхой тооны гэрээнүүд олдохгүй байгаа тул “Эрдэнэс Тавантолгой” ХК-иас тайлбар авах ажлууд үргэлжилж байгаа юм байна.

Нийт 2011-2023 оны байдлаар 108 сая тн нүүрсний борлуулалтын 20 их наяд төгрөгийн борлуулалтын орлогыг дараах үзүүлэлтээр харьцуулан судалж байгаа гэлээ. Үүнд нүүрсний зах зээлийн үнэ, гэрээний үнэ, гаалийн бүрдүүлэлтийн үнэ, үнэ тооцоолсон аргачлал гэсэн хүрээнд 400 мянган хуудас бүхий мэдээллийг гаалийн программаас татаж авч тулгалт хийж байгаа гэлээ. Дээрх хэмжээний нотлох баримт, материал, цар хүрээнд хяналт шалгалтын ажил үргэлжилсээр байгааг Б.Энхбаяр дарга онцолсон.

Нотлох баримтыг шинжлэн судлах нээлттэй сонсголын 2023 оны арван хоёрдугаар сарын 04-08-ны өдрүүдэд болох эхний үе шатанд нийтдээ 175 иргэнийг гэрчээр дуудахаар тогтсон болохыг тэрбээр мэдээлээд “Одоогоор энэ жагсаалтыг гаргасан. Гэхдээ хяналт, шалгалтын үйл ажиллагаа үргэлжилж байгаа тул нотлох баримтыг шинжлэн судлах сонсгол болох хүртэл гэрчийн жагсаалтад нэрс нэмэгдэх боломжтой. Тиймээс холбогдох тогтоолоор Хянан шалгах түр хорооны даргад гэрчийг дуудах эрхийг олгосон” гэдэг мэдээллийг өгөв. Үргэлжлүүлэн тэрбээр 2023 оны арван хоёрдугаар сарын 04-08-ны өдрүүдэд болох эхний үе шатны нотлох баримтыг шинжлэн судлах нээлттэй сонсголд оролцох гэрчүүдийн нэрсийг танилцууллаа.

Нотлох баримтыг шинжлэн судлах нээлттэй сонсголд дуудсан гэрчүүдийг зөвхөн хянан шалгах шинжээчдийн хянан шалгах үйл ажиллагааны үр дүнд дуудаж байгаа гэдгийг Улсын Их Хурлын гишүүн, Хянан шалгах түр хорооны гишүүн Г.Ганболд хэлэв. Үүний зэрэгцээ нотлох баримтыг шинжлэн судлах нээлттэй сонсголд гэрчээр дуудагдаж буй нь гэмт хэрэгтэн, нүүрсний хулгайтай холбоотой буруутан гэсэн агуулгаар хандаж болохгүй гэдгийг онцоллоо. Тухайн иргэний эрхэлж байсан ажил, цаг хугацаатай нь холбоотойгоор тодруулах, мэдээлэл авах шаардлагаас үүдэн гэрчээр дууддаг болохыг тайлбарласан. Хэвлэлийн бага хурлын төгсгөлд Улсын Их Хурлын гишүүн, Хянан шалгах түр хорооны дарга Б.Энхбаяр, Г.Ганболд нар сэтгүүлчдийн сонирхсон асуултад хариулт өгч, холбогдох мэдээлэл, тайлбарыг өгсөн юм хэмээн Улсын Их Хурлын Хэвлэл мэдээлэл, олон нийттэй харилцах газраас мэдээллээ.

12 дугаар сарын 4-ний нүүрсний гэх хэргийн сонсголд гэрчээр дуудагдсан хүмүүсийн нэрс:

1. УИХ-ын гишүүн Дашдэмбэрэлийн Бат-Эрдэнэ
2. УИХ-ын гишүүн Ш.Адьшаа
3. УИХ-ын гишүүн асан Р.Амаржаргал
4. УИХ-ын гишүүн асан Ц.Баярсайханы гэр бүлийн хүн н.Эрдэнэцэцэг

Өмнөговь аймгийн ИТХ-ын төлөөлөгчөөр ажиллаж байсан эсвэл ажиллаж байгаа хүмүүс:

1. Бадамгаравын Бадраа
2. Б.Батаа
3. Б.Мятав
4. Б.Дэндэвсамба
5. Б.Цэвээн
6. Ж.Отгонбаяр
7. Ж.Сандаг
8. Л.Цэцэг-Өлзий
9. Н.Хүрлээ
10. Н.Амарзаяа
11. Н.Амгалан
12. Н.Энхболд
13. А.Бадрах
14. Т.Золжаргал
15. Х.Батболд
16. Х.Түмэндэлгэр
17. Ц.Доржсүрэн
18. Ц.Баттулга
19. Ц.Бяцхансүх
20. Ч.Жаргалсайхан
21. А.Идэрцог
22. Б.Түвшинбаяр
23. Б.Эрдэнэ-Очир
24. В.Мөнхбат
25. Д.Мядагсүрэн
26. Л.Батчулуун
27. С.Сумьяа
28. С.Мөнхбаяр
29. Х.Түмэнбаяр
30. Ш.Баянбат
31. Р.Сэддорж
32. Б.Нарантуяа
33. Б.Мөнхбаатар
34. Г.Ганчимэг
35. Д.Ганболд
36. Д.Дагвадорж
37. Д.Эрдэнэбаяр
38. Ц.Даваацэрэн
39. Ц.Мөнхдэлгэр
40. С.Мөнхжаргал
41. Б.Содномцэрэн
42. Г.Шүрэнхишиг
43. И.Амарсанаа
44. Цэцэг-Өлзий
45. Ж.Доржсүрэн
46. Н.Лхагвадорж
47.  П.Мөнхтуул
48. Р.Зоригтбаатар
49. Ц.Батсайхан
50. Ханбогд сумын Засаг дарга н.Нэхийт
51. Ханбогд сумын газрын даамал н.Оюун-Эрдэнэ
52. Өмнөговь аймгийн Газрын харилцаа, барилга хот байгуулалтын газрын дарга Золжаргал
53. Г.Алтансүх
54.  2012 оноос хойших Газрын тосны агентлагийн дарга нар.
55. Ерөнхийлөгч асан Ц.Элбэгдорж
56. Ерөнхий прокурор асан Д.Дорлигжав, Б.Энх-Амгалан

Хоёр дахь өдөр буюу 12 дугаар сарын 5-нд

1.  н.Пүрэвдулам “Дөлгөөн хайрхан уул” аудитын компанийн захирал
2. н.Тунгалаг “Их хөлөг” аудитын компанийн гүйцэтгэх захирал
3. н.Билэгсайхан
4. н.Энхжаргал
5. Өмнөговь аймгийн Аудитын газрын ерөнхий аудитор Отгонбаяр
6. Өмнөговь аймгийн Аудитын газрын дарга Алтанзаяа
7. Өмнөговь аймгийн Аудитын газрын дарга Хонгорзул
8. Өмнөговь аймгийн Аудитын газрын дарга Цэрэнбаяр
9. Д.Артаг
10. Б.Батсүрэн
11. Э.Болд-Эрдэнэ
12. Монгол Улсын Ерөнхийлөгч асан Ц.Элбэгдорж
13. Ерөнхий прокурор асан Д.Дорлигжав
14. Ерөнхий аудитор асан А.Зангад
15. Ерөнхий аудитор асан Д.Хүрэлбаатар
16. Ерөнхий аудитор Д.Занданбат
17. Худалдаа авах хангамжийн хэлтсийн захирал Ч.Төрмандах
18. Эдгээр нэрд нэмэгдэх нь дээрх хугацаанд гарсан хэргүүдийг хэрэгсэхгүй болгосон гэх прокурорын зөвшөөрөл түр хороонд ирсний дараа холбогдох хуулийн байгууллагуудын төлөөллүүдийг нэмж дуудна.
19. ТУЗ-ийн дарга Түвшинбаяр
20. Ерөнхий нягтлан бодогч Шүрэнхишиг
21. Ч.Төрмандах

12 дугаар сарын 6-нд гэрчээр дуудсан албан тушаалтнууд 

1. “Эрдэнэс Тавантолгой” ХХК-ийн гүйцэтгэх захирал н.Ариунболд
2. “Хишиг арвин индастрал” ХХК-ийн гүйцэтгэх захирал н.Бябажамц
3. “Эрдэнэс Тавантолгой” ХХК-ийн гүйцэтгэх захирал Б.Ганхуяг
4. Үнэлгээний хорооны нарийн бичгийн дарга н.Батболд
5. “Эрдэнэ дрилинг” ХХК-ийн захирал н.Шихихутаг
6. “Эрдэнэс Тавантолгой” ХХК-ийн уурхай төлөвлөлтийн хэлтсийн дарга н.Уужимсанаа
7. н.Батнасан
8. “Эрдэнэс Тавантолгой” ХХК-ийн Захиргаа удирдлагын хэлтсийн дарга н.Эрдэнэбат
9. Үнэлгээний хорооны нарийн бичгийн дарга н.Ганхүү
10. “Эрдэнэс Тавантолгой” ХХК-ийн геологийн хайгуулын хэлтсийн дарга н.Сумьяагарав
11. Ханган нийлүүлэлтийн албаны мэргэжилтэн н.Бодьцэцэг
12. н.Алтанзул
13. “Эрдэнэс Тавантолгой” ХХК-ийн Мэдээлэл технологийн хэлтсийн дарга н.Өнөрбат
14. “Эрдэнэс Тавантолгой” ХХК-ийн гүйцэтгэх захирал н.Энэбиш
15. “Эрдэнэс Монгол” ХХК-ийн ТУЗ-ийн дарга н.Сайнбилэг
16. “Эрдэнэс Монгол” ХХК-ийн гүйцэтгэх захирал Я.Батсуурь
17. “Эрдэнэс Тавантолгой” ХХК-ийн гүйцэтгэх захирал н.Заяабал
18. “Эрдэнэс Тавантолгой” ХХК-ийн ерөнхий нягтлан бодогч н.Майцэцэг
19. н.Оюутцэцэн
20. Ханган нийлүүлэлтийн албаны дарга Баярцэцэг
21. Үнэлгээний хорооны дарга Чинзориг
22. Ханган нийлүүлэлтийн хэлтсийн мэргэжилтэн Бодьцэцэг
23. н.Цог-Эрдэнэ
24. Хууль зүйн зохицуулалт хэрэгжилтийн хэлтсийн дарга Г.Цолмон

12 дугаар сарын 7-ны өдөр дуудагдах албан тушаалтнууд 

1. “Эрдэнэс Тавантолгой” ХХК-ийн гүйцэтгэх захирал Б.Ганхуяг
2. Ханган нийлүүлэлтийн албаны мэргэжилтэн н.Ганхүү
3. н.Цогтбаяр
4. Уул уурхайн хэлтсийн дарга н.Анхбаяр
5. Худалдаа авалтын хэлтсийн мэргэжилтэн н.Ганхүү
6. н.Одбилэг
7. Мэдээллийн технологийн хэлтсийн дарга н.Өнөрбат
8. н.Зоригтбаатар
9. Үнэлгээний хорооны нарийн бичгийн дарга н.Ганхүү
10. Хүний нөөц, сургалт судалгааны хэлтсийн дарга н.Эрдэнэбат
11. н.Цэрэннадмид
12. Ханган нийлүүлэлтийн албаны дарга н.Баярцэцэг
13. Мэдээлэл технологийн хэлтсийн дарга н.Өнөрбат
14. Ханган нийлүүлэлтийн албаны дарга н.Баярцэцэг
15. С.Энхтуяа
16. Мэдээллийн технологийн хэлтсийн дарга н.Өнөрбат
17. Захиргаа удирдлагын газрын дарга н.Батсайхан
18. н.Баттулга
19. “Эрдэнэс Тавантолгой” ХХК-ийн ТУЗ-ийн Б.Батбилэг
20. Н.Бямбасүрэн
21. Л.Болд
22. Г.Сумьяагарав
23.  н.Батболд
24. Б.Отгонжаргал
25. Ж.Амгаланбаяр
26. Д.Өнөрбат
27. Б.Цог-Эрдэнэ
28. Д.Бодьцэцэг
29. Т.Цолмон
30. Т.Эрэнбаатар
31. Б.Отгонжаргал
32. Ц.Анхбаяр

“Моннис моторс” ХХК-аас

1. Т.Болдоо
2. О.Мөнх-Эрдэнэ
3. Х.Батсайхан

“Алс групп” ХХК-аас

1. Ш.Одбилэг
2. С.Ганхүү
3. Д.Өнөрболд

“Мультифак” ХХК-аас

1. Э.Тодод
2. С.Ганхүү
3. Г.Сумьяагарав

“Анивэрсиа” ХХК-аас

1. Ё.Жамсан

“Голдендайят групп” ХХК-аас

1. С.Алтангэрэл
2. Б.Отгонжаргал
3. Т.Цолмон

“Ханзул” ХХК-аас

1. Н.Түвшинтөгс

“Түмэнарвижих” ХХК-аас

1. Б.Болд
2. Ж.Амгаланбаяр
3. Б.Маргад

“Майсаб” ХХК-аас

1. Н.Бямбасүрэн
2. О.Бат-Амгалан
3. Б.Эрдэнбаяр