Хавар хичээл тарахдаа зуныхаа даалгаврыг хийгээд ирнээ гээд явсан бяцхан хүүхдүүдээс 30 гаруй нь намар хичээлдээ ирэхгүй, найзуудтайгаа дахин уулзахгүй болжээ. Дэндүү аймшигтай!!! (ЦЕГ-ын Урьдчилан сэргийлэх хэлтэс)
Хэдхэн хоногийн өмнө согтуу жолоочийн гайгаар өсвөр насны цэцэг шиг хоёр охин осолд орж, нэг нь харамсалтайгаар амиа алдсан. Энэ талаар хүн толгойтой бүхэн шуугисан ч замын хөдөлгөөний дүрэм баримталдаггүй, дураараа аашилдаг жолооч нар огт сургамж авсангүй. Гэрлэн дохио зөрчдөг, хурд хэтрүүлдэг, урсгал сөрдөг, согтуугаар тээврийн хэрэгсэл жолоодох хэрэг буурахгүй байна.
2023 оны 9 сарын 25-ны өглөөний 09.25 цагт “Сансар”-ын Имартын ард талын уулзвар дээр ногоон гэрэл асч хүмүүс гарцаараа гарч явтал нэгэн цагаан өнгийн жип машин явган зорчигчийг шүргэх шахам өнгөрлөө. Гарцан дээр явган зорчигч давуу эрхтэйг ойлгодоггүй дүрэмгүй жолооч нартай хатуухан хуулиар ярих болжээ!
Д.Дорж
