Бөхийн чөлөөт барилдааны эмэгтэйчүүдийн 68 кг-ын жинд зодоглож буй Монгол Улсын гавьяат тамирчин С.Батцэцэг эхний барилдаандаа Францын К.Ларрокийг цэвэр ялав. Дэлхийн аваргын мөнгө, хүрэл медальтай өрсөлдөгч нь манай бөхийг гурван удаа дэвжээнээс түрж гарган гурван оноо аваад байлаа. Харин цаг дуусах эгзэгтэй энэ мөчид манай бөх мордох мэхээр өрсөлдөгчөө далаар нь унаган бүхэл дөрвөн оноо авав. Улмаар тэндээсээ залгуулан даралтаар цэвэр яллаа. Харин шөвгийн 4-ийн төлөөх барилдаанд С.Батцэцэг маань Европын аварга Оросын бөх Ханум Вальеваг 8:5 харьцаагаар яллаа.
Холбоотой Нийтлэлүүд
