Нэгэн согтуу эр автомашины зам дээр очоод хэвтчих юм. Ойртож ирсэн машинаас 2 залуу гарч ирээд нөгөө нөхрийг өргөөд явган хүний зам руу гаргасан боловч дахин мөлхөж очоод л зам дээр гараад хэвтчихлээ. Машинууд тойроод л байлаа. Харин нэг приус зогслоо. Эрэгтэй, эмэгтэй хоёр хүн гарч ирээд мөн л өргөөд холдуулсан боловч нөгөө согтуу дахин мөлхөөд машиных нь урд очоод хэвтчихлээ. Удалгүй цагдаа ирээд байдлыг ойлгосон бололтой, приус ч явлаа. Цагдаа түргэн тусламж дуудсан. Манай сурвалжлагчийн харснаар тэр хүн машинд огт мөргүүлээгүй гэнэ. Тэр согтуу эр ямар зорилгоор тийм үйлдэл хийгээд байсан нь бараг л тодорхой гэж хүмүүс ярилцана. Юутай ч жолооч нар болгоомжтой, сэрэмжтэй байхгүй бол архинаас хамааралтай хүмүүс машинд шүргүүлэх, авто зам дээр гарч хэвтээд мөнгө нэхэх тохиолдол гардаг бололтой.
С.Сувд
