“Ковид-19”-ын халдвараар Монгол Улс Ази тивдээ тэргүүлж эхэллээ. Өнгөрөгч нэг хоногт л гэхэд 1340 тохиолдол шинээр бүртгэгдэж, дахин гурван хүн нас барлаа. ХӨСҮТ-ийн захирал Л.Баттөрийн ярьснаар хаа хаанаа маш анхаарал сэрэмжтэй байхгүй бол үхэл цаашид ч нэмэгдэх хандлага ажиглагдаж байгаа гэнэ. Байдал ноцтой болж эхэлсэн учраас олны танил эрхмүүд ч олон нийтэд хандаж сонор сэрэмжээ дээшдүүлж, хариуцлагатай байхыг уриалж эхэллээ. Тухайлбал, Монгол Улсын гавьяат жүжигчин Г.Ариунбаатар цахим хуудсаараа дамжуулан “Ойр тойрны найз нар өвдсөн байна! Маш хүнд! Аймаар юм байна л гээд байна! Зарим нь ярьж чадахгүй ханиалгаж шоконд орж байна! Бид өвчиллөөрөө дэлхийд тэргүүлээд эхэлж! Хүн бүр ухамсартай л байхгүй бол цаашид олон зүрх зогсох нь ээ!’ гэж монголчууддаа анхааруулсан байна.
С.Болд
