Чингэлтэй дүүргийн 1 дүгээр хороо Мөнгөн завьяагийн автобусны буудал дээр автобус шатаж байна гэсэн дуудлага 19:25 цагт НОБГ-т ирсэн.
Дуудлагын дагуу Гал түймэр унтраах, аврах 10 дугаар ангийн ээлжийн бүрэлдэхүүн Тэнүүн-Огоо ХХК-ийн Шар хад- Хороолол чиглэлийн автобус шатаж байсныг шуурхай ажиллаж, бүрэн унтраалаа.
Гал түймрийн улмаас бэртсэн, түлэгдсэн хүн байхгүй байна гэж Нийслэлийн Онцгой байдлын газраас мэдээллээ. Олон хүний амь насыг хариуцаж явдаг учир нийтийн тээврийн үйлчилгээ эрхэлдэг аж ахуйн нэгжүүд машин, техникийн бүрэн бүтэн байдал, жолооч нарынхаа сахилга, хариуцлагад онцгой анхаарах хэрэгтэй байна!
Д.Бат
