УИХ-ын чуулганы нэгдсэн хуралдаан үргэлжилж байна. Энэ удаагийн хуралдаанаар Монгол Улсын шүүхийн тухай хуулийн шинэчилсэн найруулгын төслийг хэлэлцэж байгаа юм. УИХ-ын гишүүн Л.Энх-Амгалан “Монголд шүүгч хуульд бус эзэнд захирагддаг, хонгилын эзэнд захирагддаг гэсэн судалгаа байдаг юм байна. Судалгаанаас үзвэл Монгол Улс хараат шүүхтэй болсон юм байна. Энэ утгаараа хүний эрх хамгийн их зөрчигддөг Африкийн улсын дараа ордог юм байна. Бид шүүхийн шинэчлэл хийх гэж Үндсэн хуульд томоохон өөрчлөлт хийсэн. Бэх нь хатаагүй байна. Өнөөдөр батлагдах гэж байгаа хууль бол Монголын нийт шүүгчдийн асуудал биш шударга ёс тогтоох нийгмийн өөрчлөлттэй холбоотой асуудал юм. Ард түмний захиалга юм. Шударга ёсны өлсгөлөнд монголчууд нэрвэгдээд байна. Өнөөдрийн өөрчлөлт бол шударга нийгмийг бий болгох, хүн болгон хуулийн өмнө тэгш байх тэр зарчмыг хангаж чадах уу?” хэмээн төсөл санаачлагчдаас асуулаа.
Д.Дорж