Сонгуулийн эрүүл, цэвэр өрсөлдөөний тухай ярьдаг ч бодит амьдрал дээр хэрэгжихгүй байгаагийн нэгэн нотолгоо нь “МАН УИХ-ын сонгуульд нэр дэвшигчдээсээ 500 саяас 1 тэрбум төгрөгийн авах тухай тогтоол гаргажээ” гэдэг мессеж юм. Тодруулбал, 2020 оны 3 сарын 6 гэсэн огноотой, МАН-ын Ерөнхий нарийн бичгийн дарга Д.Амарбаясгалангийн гарын үсэгтэй тогтоол гэх бичиг өчигдрөөс эхлэн сошиалаар цацаж эхэллээ. Энэ гүтгэлэгт МАН-ын Ерөнхий нарийн бичгийн дарга Д.Амарбаясгалан эрс няцаалт хийжээ. Тэрбээр “Монгол Ардын Нам тэр тогтоол гээчийг огт гаргаагүй. Харин энэ фотошопоор эвлүүлсэн гүтгэлгийг хэн анх хийж, тараасныг тогтоолгохоор холбогдох хуулийн байгууллагад өнөөдөр хандана” гэлээ.
