Улсын онцгой комисс /УОК/ өнөөдөр хуралдаж, коронaвирусын нөхцөл байдлын талаар хэлэлцлээ. Энэ удаагийн хурлын дараа УОК-ийнхон сэтгүүлчдэд мэдээлэл хийх үеэр Монгол Улсын Шадар сайд, УОК-ийн дарга Ө.Энхтүвшин “Байдал амаргүй байна. Дэлхийн 99 оронд “COVID-19”-ийн халдвар дархаж, өвчилсөн хүмүүсийн тоо нэмэгдсээр байна. Тиймээс бид тайвширч болохгүй. Хийж хэрэгжүүлж байгаа ажлаа сайжруулж, сонор сэрэмжээ сайжруулах шаардлагатай байна. Тусгаарлах байр олныг гаргасан. Одоогоор 500 орчим хүн  тусгаарлах байранд байна” гэлээ.