“Алтан Дорнод Монгол” компанийн ерөнхий захирал Т.Ганболд 25 дугаар суваг телевизийн “Ам нээвэл…” нэвтрүүлэгт оролцох үеэрээ улстөрийн золиос болж шоронд хоригдож, улмаар тухайн үед Улсын ерөнхий прокурор байсан Д.Дорлигжавын хамаарал бүхий дансанд 4 сая ам.доллар шилжүүлж байсан тухайгаа ярьсан нь олныг шуугиулаад авсан. Мэдээж энэ ярианы үнэн эсэхийг хуулийнхан тогтооно.

Ямар ч байсан хуулийн байгууллагыг, тэр тусмаа прокурорыг удирдаж байхдаа ийм хэмжээний авлигад холбогдсон гэдэг яриа нийгэмд хүндхэн туссан нь дамжиггүй. Тэгвэл өнөөдөр АТГ Улсын ерөнхий прокурор асан Д.Дорлигжаваас байцаалт авсныг эх сурвалж мэдээллээ. Харин түүнийг баривчлан саатуулсан гэдэг нь бодитой биш мэдээлэл аж.

С.Бат